笑酤和味炭燒 (The Pulse) (已結業)

今日為嚟到淺水灣嘅笑酤和味炭燒享受日本料理，呢間餐廳位於淺水灣The Pulse，面向大海，一邊品嚐高質嘅日本料理，一邊聆聽大海嘅聲音，別有一番風味❤️❤️。。刺身盛二人前有好多唔同嘅款式，分別有中拖羅、赤身、深海池魚、間八、牡丹蝦、三文魚、帆立貝👍🏻。刺身都係厚切，可以感受到刺身厚實嘅口感😊。味道亦都好鮮甜，特別係帆立貝同牡丹蝦，十分之肥美😋。中拖羅雖然都唔差，可謂係入口即溶，不過略嫌稍為有太多筋。。笑酤卷入邊有炸軟殼蟹同天婦羅蝦，鍾意食蝦蟹嘅人絕對唔可以錯過🤩，天婦羅蝦咬落依然Q彈，再加上醋飯同軟殼蟹，口感同味道都一流😘。而且呢個卷物分量十足，足足有八大件，認真抵食😂。。雜錦天婦羅份量都幾多，天婦羅蝦足足有三隻😆，另外仲有秋葵冬菇番薯等等，天婦羅粉漿略嫌比較薄，如果厚多少少，相信口感會更加好🙈。。備長炭燒原隻魷魚魷魚燒得好Q彈，而且好香炭味，加上特製嘅醬汁，甜甜地幾好食👍🏻。。博多地雞翼2串 及 牛舌串燒雞翼非常之香口，表面燒得好乾身，而入面依然Juice😋。牛舌大大嚿，而且係厚切，咬落好有口感，味道亦都好有牛味😛。