吉壽日本料理 (已結業)

餵食嘅人就係夜麻麻都要去食放題，黎都旺角呢間吉壽。 就算係九點半入座，都好多人食！一入到去，店員會幫手帶位。呢度同一般嘅放題都係一樣，有紙俾你落單。而且出面都有啲唔同嘅小食同埋沙律，飲品類型都好多，可以自助。食放題刺身梗係少不過啦！呢度啲刺身好新鮮，三文魚入口溶化，甜蝦食落去唔會有好大陣雪藏味，夠新鮮！特別值得推介呢度嘅羊架，個熟到啱啱好，唔會太乾身，咬落去仲有啲肉汁，而且無乜膻味。壽司嘅份量唔大，可以食多幾件唔同嘅款，唔會食少少就會飽晒。三文魚魚腩口感豐富，鰻魚食落去冇渣，入口即溶。對於愛食雪糕乳酪嘅朋友來講，就啱晒黎啦！ 呢度有自助嘅乳酪雪糕機，自己可以整完，再加唔同嘅配料！