顯徑車仔麵 (已結業)

在學校搞fun fair搞到成八點幾,又未食飯,新田圍又冇乜野好食,就落顯徑兜下...本黎想食米之寶,但多人,就去左呢度食...村屋店,唔多人...開放式廚房,地方唔新...要左三餸車仔麵,牛腩,菜心,炸魷魚鬚,麵係米線...份量來說係可以的...先講米線,較粗,有咬口,唔係腍腍的...菜心都ok,無渣,但唔算甜...牛腩都ok,夠腍,ok入味...但炸魷魚鬚就唔得了,浸左湯,上面炸漿甩哂,腍哂,加上唔熱,就唔脆,唔好食...整體上唔算難食,都唔算好食,都唔係咁飽...價錢都係合理的,不過第日去顯徑,都有機會食佢的...