屋喔 (已結業)

收工遲左所以決定食埋晚飯先歸家，經過蘭桂芳轉入石板街附近，就係呢頭食野啦。出街食飯都要有菜食，所以就點左份沙律，係屋喔牛肉雜錦沙律。牛肉薄薄地夠嫩肉質爽，襯埋沙律菜食落更覺健康，因為沙律菜新鮮，配料仲有糖心蛋，口感夠滑，另外仲有墨西哥脆脆，令口感層次增強添。主菜係屋噢軍艦排，嘩超大份呀，豬排燒成脆口，肉質結實豬味濃，而且脂肪什少。雞排就燒得相當香，入口雞肉味夠嫩滑，雞油令口感更佳。仲有條德國腸，超長夠足料，腸味重而夠香，三樣加埋實在夠晒飽肚，非常滿足。另外伴碟薯條夠香脆，熱辣辣非常好味。甜品食埋份香芒三重奏，芒果布甸超重芒香，食過好似啖啖芒果肉咁，仲有芒果鉋冰，芒果汁夠濃味，冰粒夠細口感正，仲有芒果雪糕一樣咁滑咁香，隨碟仲有芋圓口感爽夠一流添。