影片
更多
2021-12-01
46 浏览
一直都聽過西灣河碼頭附近有好多情調西餐廳，今日我男朋友就帶咗我黎食好西🤩環境上來講真係冇得輸，望住好靚嘅海邊夜景，再配上餐廳嘅柔和燈光，靜靜地可以享受一刻二人世界！🦪Oyster HK$208生蠔食落好鮮甜，好肥美！海水味好重但一啲都唔覺得咸！🐟Salmon Sashimi West Coast Style HK$128經炙燒表面既三文魚，配燈籠椒椰子汁同埋墨西哥辣椒醬，三文魚嘅清甜得黎配埋墨西哥辣椒吊下啲味，真係好好食！🦆Duck and Rice HK$268本身芫荽飯可以選擇鴨或者海鮮，但因為我哋叫咗海鮮拼盤，所以今次就試吓叫鴨啦！估唔到啲芫荽燴飯真係超級香，而且仲有粒粒粟米同埋鴨肉腸，令到個口感更加上一層樓！芫荽唔算超級濃味，所以如果黎到為左超級濃味既可能未必岩，但真係好香，但對我嚟講已經係暫時喺心目中排名第一嘅芫荽飯！相對上鴨脾就咸左啲，所以都係專注返哂芫荽到好啲😂😂🥘Clam Bake HK$399一嚟到見到咁多海鮮真係好豐富，除咗蜆，青口，迷你八爪魚，迷你帶子粒，蝦之外仲有好大隻龍蝦！而且最正嘅係竟然有薯仔同粟米，完全滲晒海鮮湯嘅精華！湯底雖然勁海鮮味，但飲落去好清甜，龍
環境上來講真係冇得輸，望住好靚嘅海邊夜景，再配上餐廳嘅柔和燈光，靜靜地可以享受一刻二人世界！
🦪Oyster HK$208
生蠔食落好鮮甜，好肥美！海水味好重但一啲都唔覺得咸！
🐟Salmon Sashimi West Coast Style HK$128
經炙燒表面既三文魚，配燈籠椒椰子汁同埋墨西哥辣椒醬，三文魚嘅清甜得黎配埋墨西哥辣椒吊下啲味，真係好好食！
🦆Duck and Rice HK$268
本身芫荽飯可以選擇鴨或者海鮮，但因為我哋叫咗海鮮拼盤，所以今次就試吓叫鴨啦！估唔到啲芫荽燴飯真係超級香，而且仲有粒粒粟米同埋鴨肉腸，令到個口感更加上一層樓！芫荽唔算超級濃味，所以如果黎到為左超級濃味既可能未必岩，但真係好香，但對我嚟講已經係暫時喺心目中排名第一嘅芫荽飯！相對上鴨脾就咸左啲，所以都係專注返哂芫荽到好啲😂😂
🥘Clam Bake HK$399
一嚟到見到咁多海鮮真係好豐富，除咗蜆，青口，迷你八爪魚，迷你帶子粒，蝦之外仲有好大隻龍蝦！而且最正嘅係竟然有薯仔同粟米，完全滲晒海鮮湯嘅精華！湯底雖然勁海鮮味，但飲落去好清甜，龍蝦味唔算太重！我完全係當咗佢係海鮮湯咁飲！最後個湯底梗係俾我哋清晒啦！
张贴
