塚田農場 (已結業)

以往都有試過塚田農場其他分店，海港城嘅分店就真係第一次嚟，呢度最出名一定係佢落地大玻璃嘅美景，店內環境寬敞開揚，望住夜景進餐絕對係種享受。美人鍋一向都係塚田農場名物，但最近天氣咁熱，決定一試佢鍋物以外嘅食物。鰻魚忌廉芝士美人卷 ($68)首先當然係試佢另一名物美人卷，呢種fusion菜食材豐富而且健康，食落味道清新，米紙皮配上日本壽司卷嘅餡料夠晒新意海老天婦羅脆脆卷 ($93)普通嘅壽司卷變成脆脆卷又係另一創新之作，蝦肉彈牙證明選材新鮮南蠻炸雞 ($78)原本以為係最普通嘅南蠻炸雞反而最有驚喜，炸粉薄而且緊緊包住每件雞塊，食落雞肉仍能夠鎖住肉汁，加上表面薄薄一層酸甜醬，再配上特製芝士醬汁，味道相當出色！沖繩大島魷魚配豬肉炒麵 ($108)呢個沖繩炒麵用鐵板上，令到炒麵食到尾仍保持出煙嘅狀態，麵嘅口感偏硬，味道亦稍濃，幸好內裏生薑嘅甜酸味起了一個中和作用