飲茶 (南豐大廈)

营业中

休息中

📍夜晚都仲可以飲茶！喺南豐大廈呢間粵菜餐廳夜晚除咗可以食小炒，仲可以叫點心，啱啱我呢啲放假朝早起唔到身嘅人食！點心都好精緻同有特色，鴿吞鳳梨($49)用個籠仔裝住鴿仔look嘅鳳梨酥，外皮鬆化，鳳梨餡食落仲有一絲絲果肉。櫻花蝦燒賣($68)同出邊燒賣唔同，用咗翠綠嘅皮包住冬菇鮮蝦肉餡，面頭仲有櫻花蝦。另外叫嘅筍尖鮮蝦餃($59)同紅油抄手($59)同樣味道都唔錯。餐廳仲有招牌蜜餞豚肉叉燒($108)，用咗半肥瘦嘅肉而且有少少酒香味，咬落好鬆軟。