熱點點心專門店

营业中

休息中

今晚同男朋友喺太子行街，行行吓突然好想食點心，但夜麻麻邊度有點心食啊，上網搵發現原來太子有一間點心專門店”熱點”係會開夜晚既，咁就同男朋友去試吓啦。入到去發現原來佢係茶餐廳形式嘅裝修，坐落都好舒服，唔會好似酒樓咁坐到密麻麻，同埋佢哋嘅服務態度都好好非常有禮貌。而飲茶最重要梗係要試吓佢嘅茶葉香唔香㗎啦，咁我哋就叫咗普洱，都好純飲落好舒服唔會有苦澀味。咁食得點心，就梗係要嗌燒賣蝦餃，佢嘅燒賣同蝦餃都好大粒而且好好食，絕對係值得食嘅點心，之後仲有叫牛柏葉牛肉球依d常見點心，都好夠水準，而我覺得最出色嘅就係佢嘅蘿蔔糕因為外型已經好吸引，而且食落真係外脆內軟唔會一夾就散。而且佢嘅價錢亦都好合理，比起一啲酒樓更加係平靚正。