竹虎京堂

营业中

休息中

今日同家姐去mega box 睇戲，開場前仲有時間係附近食個午餐，我地就去food court望下，見呢間有啲人排隊應該唔錯掛，睇睇餐牌又幾吸引就決定食呢間。一個竹筒飯set有好多配菜，令人好開心😋兩隻蜆肥美鮮味冇沙，支豆兩條仔真係好可愛😂不過勝在可以每樣試少少，上面有辣辣地一條條既係裙邊，唔會太辣啱我食✌🏼而隔離黑色既係海帶碎，酸酸地食左更開胃，上面有兩塊爽口既似係海鮮生片，仲有沙律食🤤上面係一小塊魚。食完一輪配菜後，終於到主角竹筒飯喇，望落都唔少元貝，上面黑色既有wasabi味，而元貝好淡，機乎冇味，飯比較軟身，食落甜甜地，仲要新鮮熱辣辣，食左好溫暖☺️。個茶碗蒸好香滑，可惜係完全唔熱，冇咁好食。最後就食埋個綠茶軟餅，好滿足呀！😚另一個set叫左鰻魚，真係原條鰻魚上🤤沙律上面仲有佢條尾😂算係一魚兩味啦，沙律上面個舊鰻魚係酸酸地同沙律好夾，而竹筒飯上面就係一般食開鰻魚汁味，因為鰻魚濃味啲，比元貝飯更好送飯。其他配菜就同上面個set一樣。仲有值得一提既係佢個茶，用竹型陶瓷杯裝，有特別香味既綠茶，我地仲飲左好幾杯呢！