緣聚鮮鍋 (已結業)

同朋友聚會，我們6點半左右到，沒有訂位，先攞飛，原來這間餐廳是要等到7點15分先開始進場，可能5點有1輪，7點15分第2輪，我見訂左位的要先排隊，等到7點10分左右就開始報電話號碼入埸，好似只留5分鐘位，5分鐘後，7點20分就開始叫攞飛的人入埸。我同朋友2人，可能已經無晒2人坐位，他好好比左個4人枱我地，反而訂左枱的就先坐晒2人坐位。入面的款式好多，有刺身，壽司，沙律，火鍋，炸物，熟食，湯水，好似個半自助餐咁，但價錢加埋1先每人230內（星期一至四晚），真心覺得比起日式放題抵食因為一齊同一時段入埸，一開始都預左野食好快無晒，但佢refill得好快，每個種類都有5-6樣的選擇，但refill不一定是同之前一樣，例如我第一次見到有類似吞拿魚壽司，但之後會變左第2款；薯條之後變薯角或薯格之類。火鍋方面，湯底要加9蚊先可選2個，肉類或海鮮要用QR CODE落ORDER ，其他丸，菜都自己出去選，連蟲草花，特別的菜都有（我不知名是什麼）總括黎講，選擇多，價錢合理，服務就普通啦