韓日屋燒烤放題 (已結業)

其實有時唔知食乜好，去食放題都係一個唔錯的選擇。所以就去左兆萬那個放題中心睇下邊間好。一到地下入口位置已有大量派傳單的人主動不停遞上宣傳單張，而其中韓日屋價格幾抵又有韓日混合的燒肉，小食及刺身，所以就二話不說搭電梯上去。點單紙分為7類有天婦羅類、小食類、雞肉類、豬肉類、牛肉類、韓日料理及海鮮類，差不多過百款野食可以點。- 剌身 : 不得不讚呢度的牡丹蝦，蝦身非常肥大，味道鮮甜，另外亦點了八爪魚、墨魚片、馬刀背、鯛魚及榮螺片等，整體來說都算新鮮。- 壽司 : 笑蝦蝦原來是炸蝦壽司，暖暖的蝦肉都幾大舊；黑松露帶子壽司的黑松露十分香。- 烤肉 : 雞肉食落肉質不錯，其調味不錯；燒汁豬頸肉質燒後十分爽汁料調味夠野味；牛仔肋骨十分長，肉味非常濃郁夠腍滑，牛脷切得十分薄，味道口感不錯；岩鹽一口牛粒，雪花紋好均勻一口一粒剛剛好；燒汁薄牛燒汁香濃，加上牛肉薄薄地好易入口。半殼帆立貝十分爽口。海蝦體積不算大，但肉質仍爽；牛油栗米 : 栗米香甜。- 韓日料理 : 韓醬油蝦是用了小虎蝦製成，味道重帶咸，尚算野味。