緣聚 (已結業)

上星期四到元朗買東西，之後朋友提議去緣聚食放題，店內裝修頗具特色，有日式類似塌塌米的坐座，又有些是西歐風格的座位，西日合壁，幾有趣，環境感覺幾舒適。食物種類相當多，光是刺身已有很多種，赤蝦超大隻，爽口新鮮，好鮮甜。三文魚好肥美，油脂豐富，入口軟滑。帶子亦好鮮甜，稍為切得細粒些，但一口一粒都幾好。生蠔雖然不是超級大隻，但個頭都不少，重點是好新鮮，帶有淡淡海水的咸味，入口軟滑，很Juicy 加一些檸檬汁更能帶出鮮味，而且是任食，超抵。燒白鱔好彈牙，外表微微焦脆，以鰻魚醬燒製，加上白鱔本身的油脂香味，好好食。壽司選擇亦好多，我特別喜歡食黑松露帶子壽司，帶子幾大隻，入口鮮甜，配上淡淡黑松露的獨有香集，再醮一下芥末鼓油，真的美味。壽喜燒牛肉鍋，用料夠足，牛肉幾嫩滑，其他配菜都幾好，湯底煮得好好味，香濃中有有微甜，令鍋裏的食材味道提升，正是我喜歡壽喜燒的原因。甜品種類都不少，士多啤梨吉士銅鑼燒，入口幾軟滑，味道不錯，不會太甜。綠茶紅豆忌廉窩夫，綠茶糯米皮包著綠茶雪糕幾好味，如果窩夫再脆身一些更正。