大將 (已結業)

臨近聖誕，天氣轉涼的時候打邊爐是常識吧，屋企附近一直有間日式火鍋放題好想試，呢排係時候啦！我地叫左個北海道黑毛和牛套餐，以日式放題黎講佢款色都幾多元化，除左有北海道黑毛和牛外，仲有澳洲和牛，美國ＳＲＦ和牛，美國特上牛，美國嚴選極上牛，山原島阿古豬五花，山原島阿古豬梅花肉及特選雞腿肉，配菜都有好多，仲有些幾吸引的熱食。我地叫左個新出的豆乳美人湯及番茄海老濃湯，豆乳湯味道淡淡地，好適合怕油膩的女孩子，番茄海老濃湯就惹味好多。牛肉方面，我就鍾意北海道黑毛和牛，比較掛湯同肉味較濃，老公話佢鍾意澳洲和牛多Ｄ，口感好Ｄ，無咁肥。另外我地發現佢的熱食同冷盤小食都幾好食，由其是炸雞腿肉，配埋佢甜辣汁，好香好ｊｕｉｃｙ，我就鍾意個涼拌雜菜，酸酸辣辣咁，好惹味。佢地仲有其他熱食例如炒烏冬／紅豆湯等，味道都不錯丫。