龍城冰室

营业中

休息中

龍城冰室有好多間分店，之前食過喺觀塘嘅，估唔到樓下都開咗一間，價錢夠平食物份量夠大，而且裝修坐得舒服。手腳快，好快就上咗湯，可以揀中湯或者西湯，有白湯或者羅宋湯， 忌廉湯濃度適中，材料仲有蘿蔔西芹跟手上埋飲品，叫了熱朱古力，凍飲加兩蚊。我叫咗呢個美式什扒鐵板餐$78 ，一上枱就熱辣辣，淋埋啲黑椒汁，渣渣聲，好吸引。基本上有齊晒所有扒類，豬牛雞，仲有煙肉同埋腸仔。再加多左$36叫左蒜蓉焗青口，好抵食，有成5件，焗得好香，蒜蓉洋蔥火腿加芝士撒係面上😆 另外家姐叫左個常餐，瑞士雞翼撈公仔麵，兩個雞全翼，甜甜嘅瑞士汁，肉質鮮嫩，好入味😆 仲有，炒滑蛋同埋奶油脆豬，奶油脆豬十分香脆，裏面鬆軟。 餐廳人流頗多，都係街坊黎食個平價抵食又好味嘅晚餐。