串燒屋

营业中

休息中

呢間餐廳係牛頭角地鐵站出會比較近。餐廳位置都唔少，每一個位都有抽油煙通風。佢呢度係放題，佢有得網燒同埋串燒。肉類海鮮等可以用紙仔叫，另外出邊雪櫃會有前菜，蔬菜，甜品同飲品等等。大部份嘅前菜都有獨立包裝，值得一讚。飲品嘅種類都唔少喎，自家涼茶同啤酒都有。每人有一份扇貝。佢嘅串燒食物主要嘅肉類都係醃製咗嘅，或者係台灣腸、丸類等等。個人比較推介嘅係蜜汁叉燒豬柳，台灣腸，爽口雞腎，同埋厚切牛舌。而網燒方面，有海鮮，羊架，牛肉同五花腩。個人覺得網燒嘅食物都幾高質，羊架都幾厚肉，而五花腩燒到啲脂肪脆口真係好好食。每張枱上邊都有多款嘅調味料俾大家可以自由選擇。以咁嘅價錢嚟計，CP值都算幾高！