炉端金 (已結業)

難得今日早放工，特意約了朋友一齊黎食放題。環境幾靚，d裝修都幾特別，好有日本和風feel。呢間野特別在可以又食刺身壽司，同時食埋燒肉，一次滿足兩個願望。刺身ge種類都幾多，擺盤都好靚，三文魚，油柑魚，吞拿魚，蝦刺身等等，都幾新鮮，唔會好似平時出面其他放題咁，d刺身未融雪就已經拎出黎比人食。壽司都好好味，夠曬足料，仲有刺身飯，特別推薦手卷，海膽手卷上面ge海膽份量都唔小，友人系非常中意食海膽，中意海膽ge朋友真係唔好錯過。仲要有鵝肝手卷，鵝肝油脂豐富，瘋狂落單可以。絕對系壽司刺身控必到店鋪之一。仲有呢度d炸物，炸天婦羅蝦，好大隻，脆卜卜，好香口，而且唔會好似出面食到果d咁炸到干真真。爐端燒，燒肉ge種類都好多，而且d肉都幾好食，幾新鮮，醃ge味道幾好。最後甜品除了有movenpick，哈根大師雪糕任食之外，仲有距呢度自家制ge蛋糕，值得一試。