紅茶冰室

营业中

休息中

平日收咗工好攰，就會嚟呢到食飯😁因為呢到座位之間夠空間，一D都唔會迫夾焗速。座位都坐得好舒服，冷氣又夠，所以都好中意嚟呢到食飯。呢到好多選擇，中餐嘅有小炒、碟頭飯或者係燒味都有！西餐嘅有鐵板据扒、焗飯或者碟頭x汁x扒嘅意粉配搭都有！無嘜胃口嘅食常餐又可以！或者只係口痕想食件撻或者菠蘿油又得！不得不提呢到有丹麥蘇可以叫，今日都忍唔住叫咗一件，真係外脆內軟，而且好香牛油味！我最中意就係据扒，今日食咗指定晚餐係蒜蓉汁肉眼扒，仲配埋忌廉湯(當然仲有羅宋同中湯揀嘅🤣)，真係一大滿足！另外就中意食咖啡魚柳焗飯，魚柳大到成隻碟都裝唔哂，要分兩嚿放，加埋個炒飯焗底，真係好惹味呀😜！唔講咁多，我食飯先喇👋🏻