漁吉海鮮丼專門店 (已搬遷) 新店位置

九龍城除咗泰菜出名，其實都有好多唔同嘅菜式嘅小店。經過漁吉覺得呢一間日本料理個樣好似唔錯，就入咗去食。午市都算幾多人，我哋入到去先坐低，然後店員就介紹咗個味噌湯比我哋，飲落去真係好香，好有鮮味，同出面飲嘅完全唔同。我哋叫咗蟹王丼（$238），有好多松葉蟹肉，仲有海膽，係有少少火炙過嘅，仲有三文魚子及蟹子。蟹肉佈滿咗成個丼飯，蟹肉非常之多，而且食落都幾新鮮，有蟹肉鮮味。海膽唔會太腥；三文魚子都有好多，非常足料，但係蟹子就有少少腥。漁吉特選丼（$188），咩都有啲，有海膽、三文魚、帶子、油甘魚、櫻花魷魚、三文魚、赤蝦，星鰻等等。小食叫左鰻魚（$88），店員話可加山椒粉，會吊出鰻魚嘅味道。