而打淥滷汁拌粉 (青衣城2) (已結業)

食外賣食到悶？青衣城有台式滷味食！仲要好多款式，可以熱食又可以涼拌。蔥油滷汁拌粿條，拌麵有蔥花香菜同滷花生，如果唔食可以同店員講唔要。第一次試粿條，質感彈牙，口感好似烏冬，唔好以為一碗睇落份量好似好小，但係食落都幾飽肚。加熱滷味自選組合，我揀咗，滷鳥蛋、懷舊紅布腸、台式滷鴨血同招牌金錢肚。全部都滷得好入味，鴨血超厚，金錢肚入晒味，軟韌度啱啱好。涼拌方面，我揀咗青瓜粒，爽口蓮藕片。兩個份量都幾多，非常爽脆，同醒胃。