心裡有素 (已結業)

香港要搵素食好難，一來少，二來貴，三來款式唔多，仲要未必好食，今日晏晝隊友陪我去左旺角呢度食素，呢度地方唔算大，但相當多選擇，有冷盤，前菜，炸物，熱食，主食，飲品同甜品。其實素食要一次過要諗要咁多樣菜式加埋走五辛，仲要間唔中轉下款真要有難度，真心配服。呢間係少鹽少糖食店，所以唔會話好濃味，食完唔會口渴，食得健康同安心。涼皮涼拌-個腐竹涼拌連埋涼皮食好夾，少少辣辣地，幾惹味。桂花蕃茄-淡淡桂花香既去皮靚蕃茄，清新好味。滷水豆腐-驚喜地佢地用左滑豆腐。咕嚕合桃-佢地既炸物好出色，全部都好好食，有炸牛蒡，茄子，南瓜同蕃薯，仲有最出名既咕嚕合桃。右手邊個銀芽炒桂花素翅炒得乾身好味。炒菜都起碼有六款主食有蕃薯同麵飯，中間個松露炒麵幾好食。飲品方面我推介澳洲黑蜜糖檸檬水，檸檬水落咗維他命C，味道偏清淡，有微微蜜糖香。沙律吧有沙律菜，紅菜頭，粟米等，我就鍾意佢既沙田柚，芒果同西瓜，芒果望落以為好酸，點知好清甜。仲有甜品芒果布甸