影片
更多
2022-06-06
79 浏览
星期日中午預約左12:30，限時90分鐘進餐時間，因為有預約所以唔洗等位。先黎一波可愛貓咪照片😺😺呢度店面唔大，但係都安排咗好多隻貓咪喺店舖入面，有部分貓喺貓架上面休息，有一部分就會係客人餐枱附近遊走，一啲都唔驚人同冇攻擊性，有時貓咪見到張枱或者凳吉咗就會跳上嚟任摸唔嬲。 不過店舖講到明 唔好抱貓咪，如果貓咪有唔鍾意表現，就唔好夾硬嚟。講番食物先，食物係意料之外地好食，我哋叫咗二人餐，最好食覺得係個小食拼盤入面嗰炸雞，熱辣辣一咬落去都有汁， 外脆內軟好味道沙律同湯就正常發揮朋友話佢最鍾意食意大利飯，其實我好怕呢個意大利飯咬到生米， 佢呢個啱啱熟唔會太生又唔會太冧粒粒分明都幾好❤呢個豬肋骨醬汁燶味咗少少， 可能配薯菜會好啲，因為配個闊條麵係重蒜煮嘅，所以覺得成個菜都濃味咗少少。 如果食開重口味嘅朋友應該會覺得好正❤飲品都係正常發揮，白色嗰杯係白桃沙冰，綠色嗰杯係哈密瓜沙冰，唔明點解哈密瓜沙冰會係綠色，味道係蜜瓜味，但成個menu係冇蜜瓜味沙冰，得哈密瓜味。 打完之後發現成段嘢有急囗令feel😂😂😂只係記得影套餐menu， 睇完menu do QR code落單
先黎一波可愛貓咪照片😺😺
呢度店面唔大，但係都安排咗好多隻貓咪喺店舖入面，有部分貓喺貓架上面休息，有一部分就會係客人餐枱附近遊走，一啲都唔驚人同冇攻擊性，有時貓咪見到張枱或者凳吉咗就會跳上嚟任摸唔嬲。 不過店舖講到明 唔好抱貓咪，如果貓咪有唔鍾意表現，就唔好夾硬嚟。
講番食物先，食物係意料之外地好食，我哋叫咗二人餐，最好食覺得係個小食拼盤入面嗰炸雞，熱辣辣一咬落去都有汁， 外脆內軟好味道
沙律同湯就正常發揮
朋友話佢最鍾意食意大利飯，其實我好怕呢個意大利飯咬到生米， 佢呢個啱啱熟唔會太生又唔會太冧粒粒分明都幾好❤
呢個豬肋骨醬汁燶味咗少少， 可能配薯菜會好啲，因為配個闊條麵係重蒜煮嘅，所以覺得成個菜都濃味咗少少。 如果食開重口味嘅朋友應該會覺得好正❤
飲品都係正常發揮，白色嗰杯係白桃沙冰，綠色嗰杯係哈密瓜沙冰，唔明點解哈密瓜沙冰會係綠色，味道係蜜瓜味，但成個menu係冇蜜瓜味沙冰，得哈密瓜味。 打完之後發現成段嘢有急囗令feel😂😂😂
只係記得影套餐menu， 睇完menu do QR code落單
张贴
