小火焰韓式咖啡廳 (觀點中心) (已結業)

*💭小火焰韓式咖啡廳 (觀點中心)經常係觀塘食cafe，價錢唔平，但食物種類往往都係果啲，有時覺得冇乜新意。今天決定黎黎新意思，食間韓國餐廳。中午時份門口人頭湧湧，好受歡迎。打開menu發現好厚，食物多不勝數，令人有選擇困難。魷魚水冷麵配蘿蔔味湯底，夏天食十分消暑。魷魚好大塊，輕輕燒過好香口。麵入面有青瓜絲、蘿蔔絲，麵條幼滑易咬，食落清涼。芝味炸雞，拎上手熱到不得了，證明係岩岩先炸起。芝士味濃到不得了有少少鹹香，炸雞外皮卜卜脆，雞肉充滿肉汁。吹脹水牛芝士牛肉野菌沙律，水牛芝士整到波波球狀，打卡之選。牛肉份量多，又有唔少沙律菜，飽肚健康之選。除左主食，餐廳嘅甜品都有好多，店員推介糯米糍3.6牛奶乳雪花冰，賣相超靚，大大粒朱古力雪糕球，上面有滿滿的朱古力粉。糯米糍煙煙韌韌，雪花冰刨得好仔細，配上牛奶滑不溜口。餐廳價錢ok，韓國食物種類又多又好味，一大班心思思想去韓國嘅食家可以係到止止癮。📍觀塘觀塘道410號觀點中心1樓1號舖