日常素食 (已結業)

最近食得太多肉啦，所以今日去咗黃大仙食素食自助餐，晚市自助餐每人$128就食到啦，菜式選擇多，沙律菜，炸物任食到飽，仲有甜品雪糕炸物來講，炸茄子外脆內多汁，幾香口好味，春卷亦同出面酒樓食嘅味道差唔多，口感豐富。沙律菜新鮮，仲有各種涼拌小食，酸甜爽口青瓜，涼拌雲耳，清新健康得來又惹味～素叉燒，口感好似真叉燒，甜甜蜜蜜，肉感十足。素蛋卷，多重口感豐富，餡料好爽口。冬菇草菇炆馬太，醬汁濃郁送飯一流。甜品有豆腐雪糕，番薯雪糕，雪糕新地偏稠身，黏黏地，入口即化～桂花糕，椰汁紅豆糕，味道正常發揮👍🏻