影片
更多
2010-06-04
5 浏览
放工後去了又一城享用Openrice送的戲票睇戲，尚有個多小時才夠鐘入場，便去了相鄰的 EXP 先填飽肚子，這間EXP一向十分旺場經常需要排隊輪候，但今日為時尚早，不用等候便可直接入座。 餐廳環境本來不錯，但是相連外面的溜冰場，雖然可順便看場中人溜冰，但也因而比較嘈雜一些。 EXP 表面是西式的包裝，其實中、西、日、泰、越等多國菜式也有供應，甚至是將多種口味混合注入新穎創意的 Fusion 菜。 因為套餐的食物幾啱心水及包一杯特飲，價錢較抵便叫了一客套餐，再加泰式燒豬頸肉及多一杯特飲。大蝦西柚蕎麥麵想不到份量都幾大，兩個人都夠食，在面上的鮮紅色蝦夠大隻父夠鮮，配上清新的火箭菜、芒果及西柚帶點微酸真的好醒胃，帶濃麥味的蕎麥麵爽口彈牙，質素不比日式料理差，大家爭住食好快就清了碟。海鮮豐收薄批 ($72)這客是日式風味的 Pizza，批底是薄批底，toppings 主要有大蝦、蕃茄醬、芝士及海苔等，饀料唔算好多，但兩個人分都算夠食，蝦沒有蕎麥麵上的咁大隻，但細蝦做薄餅饀料反而仲適合，蕃茄香味頗濃沃，芝士唔太厚身，味道比傳统意式薄餅冇咁重口味，比較唔太膩易入口。泰式燒豬頸肉表面看來不太大
大蝦西柚蕎麥麵
想不到份量都幾大，兩個人都夠食，在面上的鮮紅色蝦夠大隻父夠鮮，配上清新的火箭菜、芒果及西柚帶點微酸真的好醒胃，帶濃麥味的蕎麥麵爽口彈牙，質素不比日式料理差，大家爭住食好快就清了碟。
海鮮豐收薄批 ($72)
這客是日式風味的 Pizza，批底是薄批底，toppings 主要有大蝦、蕃茄醬、芝士及海苔等，饀料唔算好多，但兩個人分都算夠食，蝦沒有蕎麥麵上的咁大隻，但細蝦做薄餅饀料反而仲適合，蕃茄香味頗濃沃，芝士唔太厚身，味道比傳统意式薄餅冇咁重口味，比較唔太膩易入口。
泰式燒豬頸肉
表面看來不太大碟，但猪頸肉片都是厚切，將烤得焦香的猪頸肉蘸些香濃的泰式燒汁，肉片無咁乾身，入口會更加香口好食。
芒果蜜桃梳打 及 石榴紅桑子梳打
套裝已包一杯石榴紅桑子梳打，另加一杯要二十幾蚊一杯唔太抵飲，但顏色鮮艷賣相夠覩、又夠大杯，比較普通餐飲健康有營，入口有鮮果味，應該係用新鮮生果製。
埋單結帳每人一百多啲便吃到飽鉋，食物質量都有一定水準，而且fusion的食物都幾清新唔會太油膩，怪不得能得到食家們的睞，肯花時間輪候，下次有機會都會再來。
张贴
