Wingman (已結業)

誤打誤撞嚟咗食雞翼，講真一開始真係好難想像點樣成晚都淨係食雞翼，但最後我哋三個女仔每人都食咗15隻，捧住個肚好滿足咁離開。我哋叫咗$178任食套餐，可任食雞翼（共10個口味）同任飲汽水同檸檬茶。好可惜嗰晚我哋最有興趣嗰兩款都無（死神同水牛城），轉咗日式蜂蜜芥末同印度唐杜里。第一round試晒10款，最惹味嘅係田園風味（全晚至愛！調味粉酸酸哋，好過癮）、黑芝麻海鮮蜂蜜（汁好香甜同香濃）、泰式甜辣醬（開胃之選）、日本蜂蜜芥辣（估唔到芥辣同蜂蜜咁夾，將成個味昇華，芥辣唔攻鼻）同印度唐杜里（調味粉好香，個綠色醬都好特別），哩5款，堅好食！雞翼細細隻，肉好嫩，調味一流，擺盤都好用心！第二round，我哋每人叫多5隻，就係以上推介嗰5款，正，估唔到食雞翼都可以咁滿足！檸檬茶係佢哋自己調配的，味道較淡，不過雞翼濃味，可以平衡返。環境都好用心佈置，枱同枱之間都唔迫，坐得都舒服。