Running 燒 (已結業)

想食韓燒又唔想淨係食肉，呢間都算係一間滿足到花心的食客，因為有大量海鮮都係任食，而且有早鳥優惠7折，又去捧場啦。最令我欣賞係每枱都有一件蘿蔔，唔係俾你食，係當爐面有啲痴底同污糟，可以用呢舊蘿蔔刷一刷爐面，即刻乾淨到新嘅一樣，真係好貼心。所有海鮮都係任食，蠔就差少少，燒完又腥又超細粒，但帶子真係大大粒，燒完都好鮮甜，大蝦爽口，呢兩樣我叫咗四轉都冇 Cut order厚切腩肉又係值得食完再食，燒完一啲都唔覺肥膩，肉質好冧，肉味濃。牛舌切得比教薄，冇乜口感四個人用一個爐，食兩小時都係剛剛好食得飽，所以要不停落 order, 不停燒，唔怪得知鋪名叫 Running 燒。