Texas Burger (已結業)

去朗豪坊睇戲，開場之前食返餐先。因為想食漢堡，就search到呢間Texas burger。佢喺朗豪坊嘅高層，呢幾層都幾多嘢食。黎到個重點當然係漢堡啦，佢除咗有一般漢堡，仲有最近嘅大熱Impossible meat!🥴我地點左少少小食，同埋兩個漢堡。推介食黑松露薯條，唔貴但係有好多黑松露醬喎，啲薯條亦都外脆內軟，好味😋水牛城雞翼，個皮都係脆嘅，佢上咗兩款醬，芝士醬同水牛城醬(?)，不過我都係想佢整埋coat好比我。芝士醬味道一般，芝士味太濃太稠😂😂呢間店叫Test burger，當然要點佢嘅德州燒肉牛肉漢堡啦！啲牛肉又香又多汁，仲有煙肉同洋蔥圈，啲汁一路食一路多到滴係個碟度，個包亦相當送^_^鬆軟，唔錯！另一款叫嘅藍芝士牛肉漢堡，基本上個配搭都係差唔多，個汁就轉左藍芝士味，又唔會太濃烈，都幾夾喎👍🏻Overall 唔貴又幾好味，又就腳，黎開睇戲應該會再食~