Italian Tomato Café (創紀之城五期(apm))

营业中

休息中

晚餐時間，人流唔多，不用排隊就可以進入。三人行，選擇了一個二人餐及加多一個主食。🍅忌廉蘑菇湯🫕份量偏少，只有碗嘅一半多少少，湯比較稀，蘑菇濃度低。🍅煙三文魚凱撒沙律🥗三文魚只得兩塊，只得生菜🥬，幾乎原塊菜上，有啲求其。🍅特製肉醬意粉🍝味道係唔錯，可惜意粉硬及碎，芡汁稀。🍅芝士卡邦尼意粉🍝意粉硬，味道一般。🍅芝士煙三文魚海鮮蘑菇白汁焗飯🍛味道唔錯，足料，啖啖三文魚，唯一就係份量少，飯少。🍅藍莓芝士撻🫐🍰無想像中好食，藍莓甜嘅，可惜芝士唔夠滑，芝士味一般。🍅櫻花白桃焦糖忌廉蛋糕🍰無焦糖味，蛋糕內有白桃果肉粒，有少少驚喜，表面嘅忌廉帶有微微的海鹽味道。上菜速度快，但可惜意粉未腍，帶硬，感覺製作比較倉猝，好彩有蛋糕甜品作結尾，挽回些少分數。