Walter Bistro (智選假日酒店) (已結業)

觀塘智選假日酒店既Walter brstro有得食 buffet, 價錢非常公道！2位入座1人半價，3位 total 8折，4位就free 1位，所以都幾吸引，環境光猛又乾淨！地方唔係好大，座位都唔會太過密，空間感都足夠！冷盤海鮮有翡翠螺，青口，蝦，麵包蟹，生蠔！呢個價錢有呢個水準都係性價比！麵包蟹大大隻夠多肉，肉一梳梳而且膏都幾厚實，蟹膏甘香，肉質清新帶鮮。蝦肉都清爽夠彈牙，再配上汁醬更帶層次分明！翡翠螺多汁肉質煙韌，爽脆質感幾得。而生蠔size雖然唔夠大隻，但全部都係即開新鮮！咸香得黎餘韻帶甘甜，只加檸檬調味都已經幾高質！食多幾隻是一大回本位呢。三文魚刺身厚切，色澤油潤，幾肥美既口感！帶子大大粒夠哂厚切，細緻嫩淋好滑溜。西冷牛扒，中間既肉質微微帶粉紅，唔會太熟太老！配上燒汁更加開胃，啖啖肉越食越想食。燉湯都非常足料，夠哂熱而且夠濃而不咸，秋風起飲個滋潤燉湯好暖胃。還有其他熱醺，甜品，雪糕提供！坐得舒服食物質數不錯，多人多優惠係不錯既選擇。