鳥鑫

营业中

休息中

主打各式鳥燒嘅居酒屋，款式都算幾多，質素不錯。同朋友飲住啤酒嘆串燒，幾chill。✨雞油渣炒枝豆 - 第一次食呢款菜式，味道比想像中有驚喜，鹹鹹香香，香而不膩，佐酒一流✨雞下腿 - 肉質堅實卻嫩滑，皮脆又多汁，出色✨雞冠 - 好喜歡食嘅部份之一。脆卜卜但唔乾身唔油膩，又係佐酒良品✨雞全翼 - 油香非常香濃，肉質嫩滑，外皮則烤得金黃香脆✨ 雞橫隔肌 - 富含纖維質，肉質多汁有嚼口，略帶油脂✨黃油雞腸 - 味道甘甜，口感爽脆，記得趁熱食除咗雞之外，其他款式嘅食物質素都唔錯：✨和牛牛頸脊 - 有適量油花，肉質鮮嫩爽滑，肉味濃郁，搽埋牛油再食寧舍香滑✨銀鱈魚 - 肉質非常嫩滑，魚肉好甘甜，外層好脆身同帶有焦香✨沖繩苦瓜炒蛋 - 從來唔係苦瓜嘅fans，但呢道菜有驚喜。苦瓜爽脆帶甘味，唔覺苦。配上炒蛋同木魚碎，再加上甜甜地嘅味醂醬汁，整體不錯。✨甜品有燒菠蘿同日本燒湯圓。勁鐘意後者。有花生同芝麻味，唔會太甜，湯圓皮燒到好煙韌，超好食。