暌記潮州飯店

潮州菜老店一間，潮州食物款式齊備，每次諗起潮州菜都會諗起佢，不過永遠唔鍾意佢地方太嘈，因為鋪頭樓底極低，聲音大回音更大。今天一行5人叫了六個小菜及一個蠔仔粥。滷水食品入味、今次特別介紹蝦棗，我都係第一次食，彈牙、有咬口，入面吃得出不是外面買回來的小丸子，因為要真打先有這個彈牙感覺，放下地可能會彈起😁。另一個是兩面黃、 呢個真係唔係好多潮州鋪頭有得吃，麵餅炸起金黃色無油，要讚，應該要大火重覆再炸先可以有呢個效果。以前好鍾意食辣椒油，因為夠辣夠香，不過今次食好似差好遠，唔辣唔香。