初見 (已結業)

係朗豪坊附近搵到呢間名字幾有意思嘅餐廳。 一入門口，就被其中一台食客既熱石料理吸引住。 坐低打開餐牌， 原來餐廳提供的料理款式都廣泛， 有熱石料理，拉麵，刺身，咖哩，意粉等。 好適合人多，但又意見不同嘅群組嚟食。香草吉列牛就係用熱石料理既方法，而且選用美國既高級牛。用跟餐配既牛油膏先整熱舊石， 然後就可以擺牛上去燒😀因為有香草同埋炸粉，所以香之餘亦脆卜卜。 牛肉嫩滑，以呢個價錢黎講絕對ok~前一晚已經想食香口食物，但食唔到，所以今晚就叫個日式咖哩吉列豬扒， 白飯用上日本米， 圓圓一粒，有口感。吉列豬扒炸得恰到好處，不會太嚡。 咖哩就不過不失啦🤓