大井町日式放題 (已結業)

荃灣美食實在太大，但為左同男朋友呢個大胃王食餐勁嘅，最後就揀左呢間食放題嘅地方。咁食物款式真係非常多，加加埋埋有差唔多20張紙可以點。2條友叫左小小刺身食下，吞拿魚都幾鮮，而甜蝦都唔錯，我地最中意食嘅甜蛋亦都整得幾好，所以我地叫完再叫。牛脷係值得推介嘅，夠腍而且好入味，好好食。d手握壽司🍣都好正，因為細細件，唔會食到頂住個肚。鐵板牛柳粒送黎係熱辣辣，而且好香蒜片味，如果配一碗白飯就好好啦。我地亦都叫左味噌湯，雖然無係日本咁好飲，但我地都覺得好值得番嗌。炸物係放題必點嘅食物，有雞翼，有芝士年糕，有墨魚餅，款式眾多。蜆肉細細粒好入味，唔太辣。牛肉烏冬都真係不錯，無諗過都幾好食。最正係食完每人都有得食MOVENPICK，大滿足。