7:15pm黎到, 拎左飛仔都等左幾耐架, 8:00pm入座, 用餐時間90 mins.
鹽酥雞 ($42) :
睇食運既相見好大碟既, 滿滿既. 但黎到見到唔滿碟, 分量少左好多.
少少暖, 應該晚市太忙炸定. 不過都好脆卜卜, 好香口惹味. 反而覺得太咸啦.
肉燥糖心蛋飯 ($56) :
糖心蛋做得好好, 蛋黃流心又有蛋香. 魯過既蛋唔算好入味, 不過整體黎講係好味既.
肉燥個咸度岩岩好, 雖然好好味, 好易送飯食, 但分量太少啦. 因為個底勁多飯.
黑松露野菌蚵仔燉飯 ($72) :
最好味係呢個飯, 超級熱, 岩岩整起. 好香好香黑松露同野菌味.
食落好順口, 因為有忌廉奶香, 但唔會好杰好creamy, 食完少少膩. 不過就好滋味.
蚵仔粒粒飽滿既, 野菌分量算多, 啖啖都有姑. 好味必叫之選. 而且呢款可以跟餐加錢要埋飲品甜品.
水果茶(凍) (餐+$32有飲品及甜品) :
味道唔會好甜, 偏酸. 都岩飲既, 食完d野膩膩地飲又得, 未食野之前開下胃又得.
不過就唔夠咖啡弄個d好飲.
Tiramisu :
細細杯好的骰, 而且個外賣超吸引, 影相厄like一定要啦.
除左睇落好似植物甘, 仲有個小膠鏟扮哂整理盤栽.
不過味道唔太特別, 比一般既Tiramisu輕盈, 打左好多空氣, 味道好淡. 食到oreo餅碎味.
