媽咪雞蛋仔

营业中

休息中

中環街市翻新後增加不少食肆，小食、飲品、飯類及甜品樣樣齊，心血來潮想食雞蛋仔，就去光顧媽咪雞蛋仔。 餐牌上雞蛋仔同格仔餅都好吸引，樣樣即叫即整，但格仔餅邊行邊食有點狼狽，唯有留待下次，雞蛋仔自動當選。 鳳凰卷雞蛋仔 $45雞蛋仔有多款口味，由$20-$45不等，偏偏我揀中最貴既鳳凰卷口味，本來覺得$45一底有點不捨得，但食後覺得絕對值得。外賣包裝兩邊都有洞洞吹乾雞蛋仔，令質地比較脆身。雞蛋仔內有整片紫菜，很多芝麻肉鬆，一個人食一底非常飽。