麻布茶房 (已結業)

今日帶媽媽去popfood食飯，二樓四間餐廳內面，都係麻布茶房亞最啱食，事關佢嘅日本料理款式好多，拉麵、咖哩飯、烏冬、扒餐，應有盡有。晚市嚟嘅時候，有個超值套餐，有主食+甜品+前菜+湯，自由配搭。A+E套餐（$98): A - 茶房風拉麵。拉麵嘅配料其實好簡單，有叉燒、波菜、荀、紫菜。但拉麵係我喜愛嘅粗麵。食落唔好太鹹，味道適中，好啱大朋友小朋友食。叫呢個套餐最期待就係佢嘅E - 燒蕃薯冰淇淋。本來睇相以為下面係蕃薯味嘅燒餅，但原來真係成舊蕃薯，我媽媽好開心啊，係貨真價實嘅日本蕃薯。而牛奶味雪糕配上紅豆，亦係perfect match喔。另一個我地就單點了份燒烏冬（$108)，餐牌話要等15分鐘。不過食好西又唔怕等多陣嘅。不過！上菜個時我地真係嚇親。超！級！大！份！細食嘅女孩子絕對可以兩份分！原來燒烏冬就好似大版燒咁，佢有超級多嘅蛋一齊燒，反而麵就無咁多，而且入面有海鮮配料，蝦、魷魚、帶子等等。上面就灑咗木魚同紫菜～