HeySoNuts

营业中

休息中

最近去咗宋皇臺「HeySoNuts」食Dinner，今次Order咗幾款Main Course，出品都不錯，喺依度可以食到唔同Fusion菜式及手工意粉。*此餐廳收取10%服務費。紅酒慢煮牛面頰肉配薯蓉（單點$298），牛面頰肉肉質軟嫩、帶有牛筋，牛味濃厚，配以紅酒汁食用，味道更佳；紅酒汁內有燉牛肉、西芹、紅蘿蔔，食落好入味；薯蓉口感幼滑，食落牛油香味。自家製蒜香四川醬大蝦炒意粉（單點$138），表面鋪滿香蔥、洋蔥、芝麻，大蝦肉質爽口，味道鮮甜，意粉炒得好有鑊氣，容易掛汁，蒜香四川醬食落味道麻、辣兼備，辣度3分。松露油忌廉野菌汁貓耳朵意粉（單點$102），表面鋪有核桃、番荽，松露油忌廉野菌汁口感Creamy，食落不容易覺得油膩，貓耳朵意粉口感煙韌，配料包括有蘑菇、秀珍菇。凍飲焦糖鮮奶咖啡（單點$49），咖啡味道濃香，飲落甜度適中。凍飲綠茶鮮奶（單點$46），略嫌綠茶茶味較淡。