新齋橋 (已結業)

呢度嘅嘅位置好方便，而且座位超級多，啱晒晏晝打工仔，或者收工上嚟食都好方便。定食好多款式選擇，包括燒肉都一樣，仲可以一人一個爐自己燒，自己決定生熟程度，仲有三款醬汁可以揀，啱晒唔同人嘅口味，每款定食都係$100左右，好抵食。定食包括麻醬沙律、麵豉湯，同埋一碗白飯。極上牛小排定食牛小排肉質軟腍，油脂分布平均，而且份量都唔少有八塊 ，兩邊燒一燒好快食得。 牛舌芯定食同牛小排一樣，牛舌嘅份量都唔少，足夠清晒一碗白飯，薄薄地好快燒完就食得，牛舌爽口，而且夠晒大塊。