梅丘壽司の美登利総本店 (雅蘭中心) (已結業)

又嚟食我最鐘意嘅壽司店，我覺得旺角分店係最好食同埋環境服務最好的🫶🏻店員好好禮貌同埋加茶好密，今次叫大部分都係熟食，同埋都係平時會嗌嘅嘢，每樣都好好味🥹✦ 天婦羅 $78呢度天婦羅cp值高，炸粉唔算厚，用料唔錯，炸蝦彈牙，另外有香菇、小青椒、帶子、紫蘇葉，最鐘意係炸魚，魚肉結實有口感！✦ 茶碗蒸 $25茶碗蒸高湯味道溫和，超滑溜，有香菇帶子同蝦，每次都會想嗌。✦ 炸蝦卷 $70大推炸蝦卷！入面包住嘅炸蝦仲係脆口同暖身㗎，配搭蟹籽同生菜一啖入面層次豐富超滿足！✦ 特級玉子壽司 $35 對比吓舊飯就知有幾大！佢嘅甜度適中，好怕啲太甜嘅玉子燒，而且質地綿密得嚟啲蛋仲好嫩。✦ 火炙油甘魚壽司 $20✦ 腐皮壽司 $10呢度嘅火炙壽司做得出色，油甘魚燒過後魚油香爆發，面頭有少少明太子中和返。另外一讚佢哋嘅壽司飯，夾起完全唔會散，有黏度。