潮福蒸氣石鍋 (已結業)

今晚約左台灣同澳洲朋友同行7人，係到食蒸氣海鮮石鍋！朋友無食過，所以都好期待，滿懷歡喜！之後一直上菜，都有一兩個服務員招呼我地枱係唔錯既。但係我朋友飲飲下水，之後突然上面跌咗隻曱甴落嚟😱，好快就走左！我地都算啦，冇出聲，又唔係係啲野食到！點知！我地食到最後既馬拉糕既時候，係蒸好左切好晒分比我地每一碟既時候，係兩件馬拉糕中間有隻中size既曱甴跌咗出嚟😵😵😵😨,我地成枱叫左出黎，再睇下碟上既馬拉糕， 全部都係曱甴😱😱😱！係極多極多！😱😱😱😱最嬲既係😡😡😡😡😡😡😡果刻既服務員一秒間收晒啲野，相又唔比影！我地同佢講咁好過份啵，點食丫？之後服務員就問咁想點丫？仲要見過曱甴嗰位服務員 即刻唔見咗！之後其他服務員就過嚟，係到講比過碟我地！大佬！比曱甴榚我地，比多個點食呀！？ 即刻話埋單走人！ 隻曱甴器喺馬拉糕入面仲要 產卵！真係唔知見馬拉糕放咗幾耐