日和号壽司料理 (已結業)

唔想同人逼，嚟megabox食飯係一個唔錯嘅選擇。商場唔多人，食肆好多時都唔使排隊就有位。平時經過呢間日式餐廳好多次，今次終於都入嚟試一試。環境唔錯，兩個人都可以坐4人嘅卡位。餐牌都有幾多唔同種類嘅嘢食，有好多選擇。牛肉火鍋 牛肉嘅塊數唔多，不過都可以接受。個鍋有好多雜菜，又有粉絲，豆腐，金菇等等，都算有好多種類。味道不錯。鐵板燒魷魚鬚個燒汁味道就一般啦，魷魚鬚又唔算好硬，分量都幾多。叉燒拉麵 有4塊叉燒，都唔算少啦。個拉麵都幾彈牙，湯底唔太咸。