宏興美食館 (廟街煲仔飯) (已結業)

宏興老廟其中一間煲仔飯。呢度有乜好食？以前呢度賣嘅煲仔飯只要＄18蚊，慢慢去到$28蚊，跟住去到$38蚊，依家要成$50蚊lu.....以前個巿唔好，宏興仲有套餐添，排骨煲仔飯（$28）加可樂($10)，都係$32(好似係）。不過，妳要同佢講要套餐，佢才減返比您，否則佢會扮儍照收你$38蚊㗎！可惜，套餐已經冇咗Lu....要散叫。係度食仲有一個好處，其他煲仔飯店都冇嘅，就係豬骨粥($19)，啲豬骨好好味，有時我會淨係叫豬骨，好正！另外呢度有炒米粉同炒河粉！都幾好食，又平$14。其他食物仲有炒田螺，東風螺，炒蟹⋯⋯不過味道一般，另一間煲仔飯店會好味啲。