影片
更多
2018-11-06
99 浏览
天氣開始凍啦，最岩一班人一齊吃火鍋，今日揀左以多格湯底聞名既酒鍋試一試，真系試過返唔到轉頭。環境系以中式風格為主,所有既餐具 Menu都有悉心設計過， 入面既裝潢古色古香,望落乾淨企理，傾計都舒服。因為岩岩放工既關係，大家都嗌曬肚餓,好彩既系佢上菜速度好快,而且不得不贊既系waiter 真系好Nice,會主動幫手加水添野,醬料每位$22,所以佢地既醬料好齊料,應有盡有。揚名四海 $248吃火鍋湯底就當然系主角，而四海分別代表住四款唔同既湯底，岩哂我地4個鐘意唔同口味既女仔，有豬肚、麻辣、豬骨同埋黑松露雜菌，其中豬骨鍋仲有一大舊豬骨，令成個湯底都充滿濃厚豬骨味，各種食材亦都因為出色既湯底加左分，補充同豐富左食材既味道。頂級安格斯牛小排（大）$268一上菜就俾佢個外觀吸引住，餐廳特別放左一層冰系一排牛上面，感覺牛放耐左都keep住新鮮，而驟眼睇就以為只系一層牛肉放系上面，仲擔心唔夠4個人食，食落先知有足足有2層牛掛系上面，牛肉新鮮嫩滑，配埋醬料食真系物有所值。肥媽墨汁腸 $58呢個配料就教識大家唔好以貌取食物，睇佢相貌以為黑蚊蚊一定唔好食，點知就好有驚喜，有基本既墨汁，仲配以豐富既肉粒系入
天氣開始凍啦，最岩一班人一齊吃火鍋，今日揀左以多格湯底聞名既酒鍋試一試，真系試過返唔到轉頭。
環境系以中式風格為主,所有既餐具 Menu都有悉心設計過， 入面既裝潢古色古香,望落乾淨企理，傾計都舒服。
因為岩岩放工既關係，大家都嗌曬肚餓,好彩既系佢上菜速度好快,而且不得不贊既系waiter 真系好Nice
,會主動幫手加水添野,醬料每位$22,所以佢地既醬料好齊料,應有盡有。
揚名四海 $248
吃火鍋湯底就當然系主角，而四海分別代表住四款唔同既湯底，岩哂我地4個鐘意唔同口味既女仔，有豬肚、麻辣、豬骨同埋黑松露雜菌，其中豬骨鍋仲有一大舊豬骨，令成個湯底都充滿濃厚豬骨味，各種食材亦都因為出色既湯底加左分，補充同豐富左食材既味道。
頂級安格斯牛小排（大）$268
一上菜就俾佢個外觀吸引住，餐廳特別放左一層冰系一排牛上面，感覺牛放耐左都keep住新鮮，而驟眼睇就以為只系一層牛肉放系上面，仲擔心唔夠4個人食，食落先知有足足有2層牛掛系上面，牛肉新鮮嫩滑，配埋醬料食真系物有所值。
肥媽墨汁腸 $58
呢個配料就教識大家唔好以貌取食物，睇佢相貌以為黑蚊蚊一定唔好食，點知就好有驚喜，有基本既墨汁，仲配以豐富既肉粒系入面，口感非常豐富，有別于平時一般既芝士腸，令人眼前一亮。
海鮮拼盤 $368
呢一個拼盤同牛小排一樣，一上菜就吸人眼球，食物佈置非常有心思，將帶子、蜆、蝦、蟶子放系冰粒上，即使我地最後先食海鮮，都一樣keep住新鮮，特別系帶子，又大粒又鮮甜，同湯底仲非常夾。
7星報喜 $88
7星就系指7粒唔同顏色珍貴既迷你墨魚丸，外表精緻到以為食緊貴價既7色小籠包，紅色系蕃茄，綠色系菠菜，黑色系墨汁等等，每種肉丸都試到唔同材料既味道，但彈滑既口感已令人一試難忘，迷你size最岩胃口細但又想試唔同野食既女仔食！
黑松露蝦蟹餃 $88
呢個下次食一定會再encore，同樣系黑色既餃子，但呢個比起7星報喜更大粒，用豬骨湯底滾熟呢只餃子，入口時餃子就混淆住蝦、蟹同豬肉既味道，肉汁多元豐富，值得一贊既系餃子皮，開頭仲擔心餃子放落熱湯會好易被整散，但呢個餃子皮薄得黎竟然唔會太易散，仲入口即溶。
三拼福袋 $160
同樣系有三種唔同顏色皮既餃子，餐廳將佢包成福袋一樣，的骰可愛，體積雖小，但餃肉豐富，嘗試了黃色既牛肉同黑色既豬肉，皮薄肉甜，一咬落口豐甜既肉汁已經多到漏出黎，鐘意食餃子既朋友一定唔可以錯過。
即炸手工紫菜響鈴卷 $58
有別于平時既響鈴加左塊紫菜同跟左個醬,同佢即炸關係唔會太油,本身以為佢系即食再撈醬，但原來照平時咁碌佢2秒拎起再食都好好味,個醬又甜甜酸酸 下次黎都必點啊。
吃火鍋又點少得飲返一枝半枝汽水落肚，打開BeverageMenu 我地四個都覺得酒鍋草本茶吸引啲。而且價錢抵過汽水 緊系 一人一枝,重點推介薏米檸檬水，唔會太甜太酸 味道岩岩好 仲好開胃，下次再黎一定要再嗌，如果鐘意甜啲既飲品，就可以試洛神花茶，想飲清啲既就竹蔗茅根，個瓶身有別傳統既樽仔，用黎打卡都一流。其實我地見到佢仲有其他mock-tail同cocktails ，好多唔同既特色飲料，下次有機會我一定會試埋。
總括而言，湯底有鮮味 而且特別更可一次多享受,用料新鮮 而且花款夠多，環境又舒適， 性價比高，必定再次到訪貴店。
张贴
