明記雞雜粥 (已易手) 新餐厅

昨日食左個勁飽早餐，午餐當然食唔落啦，但又怕遲d 肚餓，所以就黎食碗粥。見到招牌寫住雞什，不過我一向少食內藏，所以只係叫左雞粥。等左一分鐘左右就有得食，佢唔會好似出面生滾粥咁放料入去煮，所以我即刻試啖睇下會唔會唔夠熱，但又唔會喎。撈一撈，約有8 件雞，估到估唔到咁多，雞鹹左少少，但都ok，因為放在粥入面就唔太鹹。粥本身就唔算太有雞味，但都幾綿。見到佢有腸粉，不過今次太飽食唔落，下次吧！食緊既時候，見到好多人叫雞什粥，我諗應該係唔錯掛。