畢打奧餐廳

营业中

休息中

成日行經呢個畢打奧餐廳都見到好多人鋸扒，今日就一於去試下啦。厚切牛仔骨好大一塊牛仔骨，碳燒味非常香，食落非常好咬口，肉地豐富。側邊的配菜都好好香，烤過的薯仔味道好香，好似薯角，南瓜都好甜，食完牛肉再食就非常夾，叫做有啲配菜調制下。鐵板牛柳因為個人比教鍾情嫩口的牛肉，所以就叫咗份牛柳。雖然兩小舊好似好的適，但其實都有8oz, 食落都相當飽。牛柳只係叫咗5成熟，因為用鐵板上關係，5成已經算幾熟，恰度好處。加錢要咗份焗法式田螺，好彈牙入味，不錯。佢地自製的水果茶都幾特別，味道相對無咁甜，落咗肉桂，所以唔係出面飲開果種味道，鍾意試新野既人可以一試。