野川拉麵の深燒食堂

营业中

休息中

呢間係元朗嘅「野川拉麵•深燒食堂」真係唔簡單，食物款式包羅萬有，佢嘅午市套餐有拉麵及飯類系列、加埋廿幾款；除此之外，還有牛角漢堡系列、各款炸物、刺身、小食拼盤、特色甜品，兼且又有許多“追加”特價小食、特飲等等，真令人目不暇給！經過一輪挑選，終於揀了👇🏻【豬骨湯底海鮮拉麵】 ~ 豬骨湯底調味適中，拉麵彈牙，兼且餸頗多，有蝦、青口、糖心蛋、木耳絲，加埋沙律菜拌上，真係【咖哩雞扒飯】 ~ 雞扒煎得香脆肉嫩，配合野味咖哩汁撈飯，令胃口大開 【鮮帶子刺身】 ~ 帶子爽甜，加埋 wasabi 一齊食，刺激味蕾👍🏻😋【炸物】 ~ 芝麻雞翼鬆脆肉嫩、榴槤炸彈外皮脆卜卜，內裏軟綿綿充滿榴槤香、魷魚鬚好有咬口、雞件啖啖肉 【柚子味芝士蛋糕+曲奇雪糕】 ~ 蛋糕芝士味濃，加埋陣陣柚子香，好清新，配合曲奇雪糕朱古力脆條，食完好滿足！【追加特飲】 ~ 奶蓋紫薯、綠茶紅豆冰，兩款不同味道，各具特色，如稍微少點甜仲正