影片
更多
2016-12-26
4117 浏览
近日有朋友開始行山行上癮，聖誕聚餐果日都話要行完山先黎到，所以諗起不如book野玩山店食飯。雖然間餐廳係山系主題，不過唔駛甘驚要蓆地而坐，有檯有椅，坐得舒適既，亦都唔駛擔心露營要食凍冰冰既罐頭，呢到好多款式選擇，仲要係熱食。一坐低就有籃麵包食，可以一路食住包，一路掀menu。先叫左個羽衣甘藍沙律同幾個小食食住先，隊長都係第一次食羽衣甘藍呢種菜，其實無我想像中甘難入口，但就唔似生菜甘甜易入口，食起上黎有d鞋口，不過可接受的；小食叫左個炸磨菇、茄汁炒香腸、炸雞隨，最好味係個炸磨菇，因為外面既麵包糠薄薄的，裡面既菇仲keep到juicy，唔錯唔錯⋯⋯但個炸雞隨個酸辣汁好怪，酸同辣兩種味食落口係分開的，好奇怪，食完要用西芹清清個口陣味。主菜我地叫左2個火焰菜，一個係清酒煮蜆、一個係荷蘭煱烤雞，前者火焰完一輪，清酒味更出，食完隻蜆仲有陣清酒味；至於隻烤雞都唔錯，夠嫩滑。Ribs、意粉、risotto 反而就普通，而且份量細，我地8個人都唔係好夠分。由於唔係好夠食，最後都叫埋甜品brownie、麵包布甸同芒果酥食，個人覺得芒果酥同brownie 好d，前者芒果甜甜的，酥皮都唔會太厚；後者就做到少少
雖然間餐廳係山系主題，不過唔駛甘驚要蓆地而坐，有檯有椅，坐得舒適既，亦都唔駛擔心露營要食凍冰冰既罐頭，呢到好多款式選擇，仲要係熱食。一坐低就有籃麵包食，可以一路食住包，一路掀menu。先叫左個羽衣甘藍沙律同幾個小食食住先，隊長都係第一次食羽衣甘藍呢種菜，其實無我想像中甘難入口，但就唔似生菜甘甜易入口，食起上黎有d鞋口，不過可接受的；小食叫左個炸磨菇、茄汁炒香腸、炸雞隨，最好味係個炸磨菇，因為外面既麵包糠薄薄的，裡面既菇仲keep到juicy，唔錯唔錯⋯⋯但個炸雞隨個酸辣汁好怪，酸同辣兩種味食落口係分開的，好奇怪，食完要用西芹清清個口陣味。
主菜我地叫左2個火焰菜，一個係清酒煮蜆、一個係荷蘭煱烤雞，前者火焰完一輪，清酒味更出，食完隻蜆仲有陣清酒味；至於隻烤雞都唔錯，夠嫩滑。Ribs、意粉、risotto 反而就普通，而且份量細，我地8個人都唔係好夠分。
由於唔係好夠食，最後都叫埋甜品brownie、麵包布甸同芒果酥食，個人覺得芒果酥同brownie 好d，前者芒果甜甜的，酥皮都唔會太厚；後者就做到少少好似心太軟既感覺，唔係一舊熟成朱古力蛋糕，有少少半熔既狀態。
店內都幾多大檯，眼見都有好幾檯大家庭食飯，不過食物既份量細，叫一碟真係唔係好夠分，如果份量唔大，侍應可以提點一下顧客可以考慮叫多碟。
张贴
