影片
更多
2022-10-29
95 浏览
今日呢餐飯真係令我獲益良多同十分感慨！餐廳食物質素我覺得算正常，唔係話好好食但因為見到有一位店員盡力工作嘅表現令我今餐飯有好唔一樣嘅體驗！事緣第一次光顧，叫左4樣野食，落單個時由一位男店員幫手，首先叫左軟殼蟹千層麵，芝士薯條，牛面頰肉，之後再叫個沙律叫沙律個陣我就拎起個餐牌指左幾次俾男店員睇話想要呢份沙律，佢有啲尷尬咁唔係好明，跟住我再俾佢睇多次係呢個慢煮三文魚沙律，佢都唔係好清楚就問我地可唔可以讀出黎，個下我就明白了，佢應該本身係有少少困難之處，所以個下我即刻唔好意思同佢講番係’慢煮三文魚柳配水牛芝士牛油果沙律’，跟住終於成功落到單，事後男店員都有走過黎有啲尷尬同我地解釋番因為驚同上一行下一行撈亂，當然個下我地大家都醒水即刻話唔緊要大家都明白嘅！因為大家心裏都知個餐牌其實係得一個慢煮三文魚柳沙律係角落頭，不過為免尷尬當然無講出黎，當係互相幫忙💪🏻呢份就係慢煮三文魚沙律，沙律菜有啲少，三文魚魚味都濃郁同埋都好香口！軟殼蟹千層麵，層次唔夠多，感覺有啲簡單，無左食千層麵個種驚喜，軟殼蟹就不過不失和牛牛面頰肉，呢款好食，牛味濃郁，同埋炆到好冧身溶岩芝士薯條，呢個都有啲失望，因為芝士份量有啲少
事緣第一次光顧，叫左4樣野食，落單個時由一位男店員幫手，首先叫左軟殼蟹千層麵，芝士薯條，牛面頰肉，之後再叫個沙律
叫沙律個陣我就拎起個餐牌指左幾次俾男店員睇話想要呢份沙律，佢有啲尷尬咁唔係好明，跟住我再俾佢睇多次係呢個慢煮三文魚沙律，佢都唔係好清楚就問我地可唔可以讀出黎，個下我就明白了，佢應該本身係有少少困難之處，所以個下我即刻唔好意思同佢講番係’慢煮三文魚柳配水牛芝士牛油果沙律’，跟住終於成功落到單，事後男店員都有走過黎有啲尷尬同我地解釋番因為驚同上一行下一行撈亂，當然個下我地大家都醒水即刻話唔緊要大家都明白嘅！因為大家心裏都知個餐牌其實係得一個慢煮三文魚柳沙律係角落頭，不過為免尷尬當然無講出黎，當係互相幫忙💪🏻
呢份就係慢煮三文魚沙律，沙律菜有啲少，三文魚魚味都濃郁同埋都好香口！
軟殼蟹千層麵，層次唔夠多，感覺有啲簡單，無左食千層麵個種驚喜，軟殼蟹就不過不失
和牛牛面頰肉，呢款好食，牛味濃郁，同埋炆到好冧身
溶岩芝士薯條，呢個都有啲失望，因為芝士份量有啲少
上菜個陣係由另一位女店員負責，呢個位好細心，大家分工好合適，始終上菜都驚如果睇得唔太清楚會整到客人，所以我見男店員主要都係負責洗野同搬野等等，見到佢都好努力做好自己本份，令我個下番左成個禮拜工感覺到好攰嘅時候，覺得人地都咁努力工作我仲點可以成日都偷懶呢！希望大家都多啲關懷身邊嘅人啦
张贴
