阿里郎熱狗棒 (已結業)

人氣熱狗連鎖店Arirang Hotdog阿里郎熱狗棒  最近新推出韓式吐司，下午茶時間買左兩款同朋友仔分享。餐廳以外賣形式為主，但亦設吧檯可供堂食~採用開放式廚房，即叫即製，保證食物新鮮熱辣辣。五款韓式吐司包括雞蛋芝士多士、蒜香煙肉芝士多士、雙重芝士多士、烤肉芝士多士同雞蛋牛油果多士。同朋友仔分別揀左蒜香煙肉芝士多士同雙重芝士多士。厚身多士塗抹牛油後再煎烤，口感酥脆鬆軟，帶點焦香，內餡有嫩滑炒蛋、鹹香芝士等，份量十足，口感層次相當豐富!阿里郎熱狗棒 除左有人氣熱賣熱狗棒、韓式吐司仲有韓式便當、紫菜包飯等，期待下次再試其他~