小喇咩 (已結業)

一向都好鍾意去天后hea , 今晚約咗幾個就去試吓呢間新開嘅越式fusion 餐廳. 個名好特別, Little La Mer 內面裝修都好特別，有點法國殖民地色彩。 幾個friends 食晚飯, 我哋都想開心啲開支酒，所以我哋就order了侍應介紹飲品主打，清酒加荔枝沙冰。侍應一嚟先俾我哋揀自己想要嘅清酒杯，每隻都好有特色，自己鍾意嘅飲得零捨開心。個酒真係值得讚，荔枝沙冰好友荔枝嘅清新氣息，加上淡談地又冰涼嘅清酒，不經不覺都差唔多可以飲晒一支。前菜有三文魚籽米紙卷，包住薄荷同金不換，仲有甘筍絲同三文魚，咬落去口感幾豐富。個黃金流沙炸蝦Pizza都係餐廳推介的，第一口咬落去有蛋黃香加上係簿批， 好脆好香口，再配上炸蝦，送清酒一流。最欣賞佢個甜品，我哋有幾個抹茶控，所以是了綠茶千層蛋糕，有甘苦的綠茶味，八層千層餅中間仲有好滑嘅cream，好滿足。